Predikimet Pashkore

Tekstet e këtij libri të vogël janë dokumentat e para liturgike mbi Pashkën, që kanë arritur deri tek ne, pas atyre të Besëlidhjes së Re.
I pari është homelia me titull “Peri Pascha” (Mbi Pashkën) nga Melitoni, peshkopi i Sardit nga viti 165 deri në 185.
I dyti është homelia “In sanctum Pascha” (Mbi Pashkën e shenjtë) që, në fillim mendohej se e kishte shkruar Sh.Gjon Gojarti, pastaj mendohej prej Hipolitit romak, por që sot mendohet se është nje homeli binjake me atë të Melitonit dhe krijuar në të njejtin ambient të kishave të Azisë së vogël (Turkia e sotme), të dy të shkruara në vitet e fundit të shekullit të dytë, si katekeza me të cilat Peshkopet ua mësonin të sapotëpagëzuarve dhe gjithë popullit natën e Pashkëve.
Familja e Vogël prej shumë vitesh ka përfshirë këto tekste antike të frymëzuara në shërbesën hyjnore të Javës së Madhe dhe në ditën e Pashkës, që zgjatet deri në të dielën e parë pas Pashkëve.
Ky përkthim në gjuhën shqipe, do t’u dhurojë një hir të madh të krishterëve të bashkësive tona, që për herë të parë hyjnë në pasurinë e Urtisë dhe të Besimit të etërve të Kishës.